Nina Danylyuk

Nina Danylyuk

Nina Danylyuk estas docento el Ukrainujo.
Fininte la Kijivan ŝtatan universitaton, ŝi defendis la disertacian laboraĵon laŭ fako “ukraina lingvo” kaj ricevis sciencan gradon.
Nun ŝi estas docento de la katedro pri ukraina lingvo de Volinia nacia universitato nome de Lesja Ukrainka. Ŝiaj sciencaj interesoj: etnolingvistiko, interlingvistiko, kompara lingvistiko.
Ŝi estas membro de la Esperanto-klubo “Arbara kanto” en la urbo Lucjk, membro de UkrEA kaj UEA, estro de ukraina sekcio de ILEI.

Prelego
Vendredo la 27a, je la 12h00

Vortoj-simboloj en la tekstoj
de la ukraina folklora poezio kaj Esperanto
La prelego estas dediĉita al ĉefaj grupoj de la simboloj en la ukrainaj popolaj kantoj: arketipaj, astraj, kreskaĵaj, ornitologiaj. Ili estas la parto de la etna lingva bildo de la mondo, kiu dependas de la tradicia pensmaniero de ukrainoj.
La simboloj de la etna lingvo estas komparataj kun tiuj, kiuj aperis en Esperanto kiel planita lingvo. Funkciado de la simbolaj vortoj en Esperanto montras, ke ĝi disvolviĝas simile al naciaj lingvoj, sed havas specifajn trajtojn.